Култура

Гостиварци – Прва награда за Крстески, одличје за Михајловиќ на поетски фестивал во Бугарија

Објавено

пред 4 години

на

20/06/2020

Од

Gostivarpress.mk

Меѓународен успех на гостиварци во областа на литературата. На интернационалниот поетски фестивал „Мелнички вечери на поезијата 2020“, поетот и писател од Гостивар Дејан Крстески доби прва награда за својата песна „Тело“.

„Не би можел да искажам колкава возбуда ми причини веста за добивањето на наградата на фестивалот. Задоволството е уште поголемо бидејќи станува збор за меѓународна манифестација која има долгогодишна традиција од 21 година и која ги обединува поетите кои пишуваат на некој од јазиците од јужнословенската група. Оваа награда ми значи многу поради фактот што моите песни се оценети како најдобри од страна на меѓународно жири, а воедно и ми ја враќа вербата во објективното и независно оценување, на кое не сме најчесто навикнати тука кај нас, во Македонија. Ваквите манифестации треба да послужат како пример дека најважни се квалитетот и пораката која песните ја испраќаат на читателот.“, вели Дејан.

Крстески е роден во Скопје, 1986 година. Дипломирал македонски јазик и книжевност на филолошкиот факултет и психологија на филозофскиот факултет на Универзитетот „Св. Кирил и Методиј“ во Скопје. Автор е на збирките раскази „Поглед кон небото“ и „Чист хероин“, и на стихозбирките „Луѓе без лица“ и „Херои од хартија“.

На фестивалот „Мелнички вечери на поезијата 2020“, со признание се закити уште еден гостиварец. Жирито одлучи на поетот Александар Михајловиќ да му додели одличје за песната „Каде сме“. Роден е 1971 година во Гостивар, каде завршил гимназија, а школувањето го продолжил во Скопје на Педагошкиот факултет, отсек – одделенска настава. Михајловиќ е автор на стихозбирката „Алтани и други“.