Гостиварец ќе раководи со Заводот за рехабилитација на деца и младинци

Во низата смени на директорските позиции низ институциите и установите во Македонија, уште едно место ќе припадне на гостиварец. Д-р Трајче Нешкоски ќе биде нов директор на Заводот за рехабилитација на деца и младинци во Скопје, а официјално на функцијата ќе стапи во ноември, после локалните избори.

Нешкоски застанува на чело на Установата која е специјализирана за дневно и интернатско згрижување, образование, работно оспособување, спортско рекреативен и културно-забавен живот, како и здравствена заштита на лица со умерени, тешки и комбинирани пречки во интелектуалниот развој.

Во претходниот бран именувања, д-р Неџати Јакупи беше поставен за директор на Клиниката за торакална и васкуларна хирургија во Скопје.