Гостиварка повредена во сообраќајка ноќеска во Скопје

Синоќа во два часот по полноќ на крстосница од ул. „Панајот Гиновски“ и ул. „Борис Сарафов“ во Скопје дошло до судир помеѓу патничко возило „Опел Астра“ со гостиварски регистарски ознаки, управувано од Ј.Ј. (60) од Гостивар и товарно возило „Опел Виваро“ со скопски регистарски ознаки, управувано од И.С. (64) од с.Сарај, скопско, соопшти МВР.

Во сообраќајката повреди здобиле сопатниците  во возилото „Опел Астра“, Ф.А. (51) од Дебар и Б.С. (54) од Гостивар. Тие со возило на Итна медицинска помош биле пренесени во Градската општа болница „8ми Септември“, каде им била укажана лекарска помош. Кај Ф.А. биле констатирани тешки телесни повреди и била задржана на лекување, додека кај Б.С. биле констатирани телесни повреди и била пуштена на домашно лекување. Увид на местото на настанот извршила екипа од СВР Скопје.