Гостиварецот Виктор Ефремовски избран за најдобар млад играч за 2018 година

Бекот на КК Работнички, гостиварецот Виктор Ефремовски е избран за најдобар млад играч за 2018 година. Наградата во негови раце е повеќе од заслужена, зад Ефремовски е фантастична сезона со само 19 години во иста сезона ги освои младинската и сениорската титула со Работнички, што е единствен пример во историјата на македонската кошарка. Важи и за еден од најдобрите шутери во државава.

„Сакам да им се заблагодарам на сите што веруваа и гласаа за мене. Ова е моја прва награда и им ја посветувам на моето семејство, тренерот Докузовски и соиграчите. Нивната поддршка, доверба, времето кое го одвоија за мене имаат најголем придонес за овој успех. Наградата е само мотив повеќе за понатака. Сакам уште да ги поздравам и им поорачам на младите гостиварци кои тренираат кошарка, никогаш да не се откажуваат“, изјави Виктор за Gostivarpress.mk.

Виктор е роден 1998 година во Гостивар, каде и ги прави прави првите чекори во кошарката. Преку школата на КК Вардар во 2015 преминува во Работнички.

Изборот на најдобрите во годинава што изминува е во организација МКФ. Кошаркарските работници ширум земјава ги дадоа своите предлози за најдобрите во кошарката. Признанијата свечено ќе им бидат доделени на наградените во понеделник (24. декември).