Гостиварските полицајци даруваат крв

Во Полициската станица во Гостивар денес се спроведува првата крводарителна акција за оваа година. До пладне, триесетина полициски службеници и вработени во гостиварската станица, даруваа крв со што искажаа својата несебичност и хуманост, да помогнат да се спасат човечки животи. На граѓаните им порачаа да бидат хумани и да се вклучат во крводарителните акции.

Во Полициската станица во Гостивар секоја година се организираат по три крводарители акции. Лани, беа собрани вкупно 116 единици крв, со што во целост се исполнети очекувањата, велат од полицијата.

Акциите се спроведуваат во соработка со Црвениот крст и службата за трансфузиологија во Гостивар.