ГРОЗОМОРНО: Приведени три лица во гостиварско по пријава за злоставување на малолетно девојче

Министерството за внатрешни работи презема мерки за расветлување на случај, поврзан со пријава за сексуално злоставување на малолетнo девојче од околно гостиварско село.

Во билтенот на МВР стои дека вчера, 26 октомври, по претходно добиена пријава за направена обљуба на малолетнo женско лице во неколку наврати, извршен е претрес во домот на 58 годишниот Н.Е., каде биле затекнати уште две лица, Б.М. на возраст од 55 години и А.М. на возраст од 62 години. Тројцата биле лишени од слобода и задржани во Полициската станица Гостивар за натамошна постапка. Поради сомнение за поврзаност, по уште две лица со иницијали Џ.С. и А.Р. е распишана потерница.