Гурмански ручек: Малку поинакви ќофтиња…похувани и полнети со кашкавал

Додека размислувате што да подготвите за неделниот ручек денес, ѕирнете го овој рецепт, можеби ќе ви „фати око“ . Ако ги имате и потебните состојки дома, тогаш воопшто немојте да се двоумите, засукајте ракави и направете похувани ќофтиња со кашкавал.

Состојки:

650 гр мелено месо

1 кромид

1 јајце

1 лута пиперка

150 гр кашкавал

150 гр презла

Сол, бибер, магдонос

Масло

Подготовка:

Најпрво на малку масло пропржете го ситно исецканиот кромид, па додадете ја сецканата лута пиперка. Откако ќе се пропржи додадете ја смесата во меленото месо, па ставете ги и јајцето, зачините и две-три лажици презла. Добро измешајте.

Намрсете ги рацете и од смесата формирајте топчиња, во средина ставете парче кашкавал па формирајте ќофте. Повторете ја постапката додека не се потроши целата количина. Потоа ќофтињата извалкајте ги во преостанатата презла и пржете ги во тава со загреано масло, од двете страни додека не заруменат.

Може да ги сервирате со салата или било која врска на сос (тартар, сос од печурки, доматен сос итн)