Хуманитарна акција на Форумот на жени на СДСМ Гостивар

Форумот на жени на СДСМ Гостивар организираше акција за дарување на топла облека, покривки и обувки, како дел од традиционалната хуманитарна акција “Дарувај од срце”, што по повод Новогодишните и Божиќните празници ја организира Форумот на жени на СДСМ, во соработка со Црвениот крст во сите поголеми градови во државата.

„Центарот на вниманието на СДСМ е поединецот, неговата благосостојба, неотуѓивоста на основните човекови слободи и права и неприкосновеноста на човечкото достоинство и интегритет. Сите мерки од областа на социјалната правда покажуваат дека се грижиме за секој граѓанин подеднакво и хуманоста е дел од нашите принципи. Голема благодарност до нашите сограѓани кои зедоа учество во оваа хуманитарна акција докажувајќи дека хуманоста е таа која ги зближува луѓето. Воедно ја користам приликава на сите сограѓани да им ги честитам претстојните празници. Им посакувам,пред се, добро здравје и благодет. Топол дом, добра мисла и многу убави моменти.“, изјави претседателот на ОО на СДСМ во Гостивар, Драгољуб Филипоски.

Собраните донации ќе бидат распределени на социјално загорзени семејства.