И денес во Гостивар контрола за брзина на возење – „летале“ возачи, „летале“ казни

Денеска (5 јуни) во периодот од 9 до 16 часот на подрачјето на СВР Тетово спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 151 возачи.

Од нив 100 на територија на Тетово, а 51 на територија на Гостивар. Полицијата информира дека 82 возачи возеле со брзина од над 50 километри на час над пропишаната, а девет за дури над 70 километри на час над дозволената.

„Засилените сообраќајни контроли продолжуваат и во наредните денови. СВР Тетово апелира до граѓаните да ги почитуваат сообраќајните правила и прописи за да ја зголемат безбедноста во сообраќајот и заедно да придонесат за посигурни патишта.“, се вели во полициското соопштение.