Гостивар
Инфективно во Гостивар се полни, можно е повторно да се активира модуларната болница
Изминатите денови бројот на новозаразени со коронавирус на подрачјето на Гостивар нагло се зголеми. Расте и бројот на пациенти на кои им е потребна хоспитализација. На инфективното одделение во гостиварската болница се лекуваат 21 заболен од ковид. Креветите на одделението веќе се исполнуваат, па доколку продолжи ваквиот тренд, наредната недела најверојатно модуларната болница повторно ќе биде ставена во функција на згрижување на ковид пациенти.
„Моментално на инфективното одделение имаме 21 пациент. Од нив 4 добиваат кислодорна поддршка, двајца се наоѓаат во потешка состојба, тоа се пациенти со други коморбидитети. Бројката на заразени расте, амбулантски во последните два дена помош побарале четириесетина лица. Одделението веќе се полни, па најверојатно ќе има потреба од дополнителен капацитет за згрижување на пациенти и од понеделник можно е повторно модуларната болница да се активира“, информира раководителот на инфективното одделение д-р Ратко Наумоски.
Модуларната болница моментално функционира како вакцинален пункт.
Подетално за новата ковид состојба во Гостивар, кластерите, најчестите извори на зараза, ризиците и друго, ќе имате можност да прочитате во интервјуто со д-р Наумоски, кое во текот на денот ќе биде објавено на Gostivarpress.mk.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар