Македонија
Искачување и Божествена Литургија на врвот Голем Крчин по седми пат
Возобновената традиција на служење на Света Евхаристија на планинскиот врв Голем Крчин, годинава се испочитува по седми пат. Викендов четириесетина верници, планинари, алпинисти, спортисти учествуваа во искачувањето на врвот, на надморска височина од 2.341 метри и беа дел од светата литургија на Бигорската обител.
„Веќе седма година по ред, откако со благослов на нашиот Старец, Епископот г. Партениј, беше возобновена традицијата за служење на Света Евхаристија на планинскиот врв Голем Крчин, нашиот Тавор на Преображението, нашиот рид на радоста, дел од браќата монаси и сестрите монахињи зедоа подвиг на восходење и на молитвено учествување во Божествената служба, на која ѝ се приклучија и четириесетина духовни чеда на нашите манастири.
„Се појавуваат пасишта по пустините и ритчињата се исполнуваат со радост“ (Пс. 65,12), бидејќи каде што е Бог, таму се случува преображение, таму е и радоста. А нашиот Старец, кој е учител на љубовта и радоста, повторно ни го подари својот благослов да се радуваме на возвишението на Крчин, да вкусиме од убавината на Божјата величественост и гледајќи ги создадените од Бога прекрасни висини и пространства, да ги созерцаваме несоздадените, вечни, духовни висини и пространства. Силното Божјо присуство, особено преку Светата Литургија, ги исполни душите на присутните со вистинска радост, светлина и благодарност. Тоа ретко искуство беше прекрасна оддишка за душата и непроценлив и исклучителен благослов, на кој присутните се удостоија, по молитвената сила испросена од Старецот и по неуморното застапништво на Пресветата Богородица и на Свети Јован Претеча.“, соопштија од Бигорски.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар