Истече рокот – Ќе има ли независни кандидати за градоначалник и советници во Гостивар?

Синоќа на полноќ заврши рокот за собирање на потписи за поднесување на листи за независни кандидати за градоначалник и советници за локалните избори. Државната изборна комисија утрово ги објави имињата коишто собирале потписи за поддршка како независни, за да влезат во трка на изборите.

Како што може да се види од списокот, во предвидениот рок за Гостивар нема поднесени независни кандидатури за градоначалник, ниту за советници. Тоа значи дека и на овие избори во Гостивар повторно ќе има само партиски кандидати.

Од вкупно 80 општини во Македонија и град Скопје, поднесени се листи за потписи за 27 независни кандидати за градоначалници и  48 кандидати за носители на советнички листи низ Македонија. Партиите и независните кандидати (со собрани потписи) своите кандидатури треба да ги поднесат до општинските изборни комсиии најдоцна до 14 септември.