Италија удри на калабриската мафија „Ndrangheta“ уапсени 334 членови

Италијанската полиција спроведе голема акција против калабриската мафија „Ndrangheta“. Во акцијата до сега се уапсени се 334 нејзини членови низ цела Италија но и во Бугарија, Германија и Швајцарија. Во операцијата учествуваа околу 2.500 карабињери и припадници на специјалната единица „Рос“ кои притоа имаа поддршка и од воени падобранци.

Вкупно се осомничени 416 членови поради изнуда, убиства, перење пари, рекет и други дела поврзани со мафијашка организација. Акцијата е спроведена после три годишна истрага и одземена е стока во вредност од 15 милиони евра, пренесува Кориере дела Сера.

Меѓу уапсените се адвокати, сметководители, поранешен пратеник, командант на карабинерите, поранешен регионален претставник, градоначалникот на Калабрија, шефот на општинската полиција, висок функционер на политичката партија Форца Италија на поранешниот премиер Берлускони и др.

Обвинителот Николас Гратери, рече дека ова е најголема анти-мафија акција после онаа во 1986 против сицилијанската мафија, но и фактот дека мафијата го дознала точниот датум на операцијата, па биле приморани да ја започнат 24 часа порано.

„Ndrangheta“ е една од четирите најголеми организирани криминални групи во Италија. Останатите три се Коза Ностра, неполската Камора и Сакра корона од Апулија.