Изјава на Арбен Таравари, кандидат за градоначалник на Гостивар од Алијанса/Алтернатива

„Гласањето е право и обврска, како за сите граѓани, така и за мене. Дојдов да гласам заедно со моето семејство. По една коректна и релативно добра кампања, очекуваме резултати кои ќе бидат печат што ќе го дадат граѓаните на денешниот ден. Гледам дека изборниот процес е релативно стабилен, со ретки исклучоци на инциденти. Се надевам така да биде до крајот на гласањето. Нека победи тој што ќе добие поголема поддршка од граѓаните. Мислам дека Гостивар заслужува добро раководење, чесни луѓе, чесен тим и сигурен сум дека без разлика кој за кого гласал, вечерва ќе славиме заедно, бидејќи победатата ќе биде пред се‘ на сите гостиварци“, изјави по денешното гласање, кандидатот за градоначалник на Гостивар од Алијанса/Алтернатива, Арбен Таравари.