Какво време не’ очекува во новата работна недела?

За деновите од оваа работна недела метеоролозите прогнозираат облачно време, со врнежи од дожд и снег.

Денес понеделник, сонцето изгреа во 6 часот и 56 минути, а ќе зајде во 16 часот и 42 минути. Времето во текот на денот ќе биде сончено со умерена облачност, со умерен до засилен југозападен ветер. Во попладневните часови и навечер ќе има врнежи од дожд, додека на планините се очекува снег. Во текот на ноќта можно е да паѓа снег со слаб интензитет и на пониските места. Температурата ќе се движи од 2 до 8 степени.

Вторник наутро и во текот на денот облачноста ќе се задржи и можно е провејување на снег. Ќе настапи заладување, минималната температура ќе се спушти до -2 додека максималната ќе достигне 5 степени.

Во среда времето ќе биде променливо облачно и студено со умерен до засилен ветер од северен правец. Веќе во четврток се очекува облачноста да се намали и да има и сончеви периоди во текот на денот. Температурите ќе се движат во интервал од -3 до 4 степени. Слични временски прилики ќе владеат и во петок.