На мотор задолжително со кацига – казните се 50 евра

[starlist][/starlist]

Зголемен е бројот на несреќи во кои учествуваат мотоциклисти и велосипедисти. Со затоплувањето на времето, гостиварци се почесто ги користат моторите и велосипедите за движење низ улиците, но значителен дел од нив не внимаваат на сообраќајните правила и прописи.

Имајќи ги во предвид минатогодишните искуства, Секторот за внатрешни работи Тетово апелира до мотоциклистите задолжително да користат заштитни кациги. Во спротивно ќе се соочат со пријава и глоба од 50 евра. Толку изнесува и глобата за родителите или најблиските кои ќе дозволат управување без кацига.

Се апелира, исто така, да не се седнува на мотоцикл без возачка дозвола. Управувањето без дозвола се санкционира со глоба од 300 евра, додека за нерегистрирано возило ( мотоцикл )  глобата се движи од 100 до 500 евра.

Полицијата во Гостивар наскоро ќе стартува со превентивно-едукативен проект посветен токму на безбедното управување со мопед, но и ќе ги засили контролните активности, во чие средиште ќе бидат пред се мотоциклистите. Нивна цел е навреме да се откријати и отстранат од сообраќај неисправните, во функција на вкупната безбедност на патиштата и улиците.