Пронајдени три пиштоли кај жител на Ѓурѓевиште

При претрес, реализиран со судска наредба, вчера попладне, во домот и помошните простории на 20-годишник во гостиварското село Ѓурѓевиште полицијата пронашла кутија со три пиштоли.

Според информациите од СВР, се работи за пиштоли: „В.Бернандели гардоне“, калибар 7,65 милиметри со рамка со 7 куршуми, „Екол дикле“ со рамка без куршуми и „Екол“ калибар 8 милиметри, исто така, со рамка без куршуми.

Трите пиштоли лицето ги поседувало без довола, поради што со потврда му биле одземени и ќе се вештачат. Дваесетгодишниккот бил приведен и задржан во Полициската станица Гостивар. Во текот на денот, тој ќе биде изведен пред судија во претходна постапка на Основниот суд Гостивар.