Ќе донесе ли викендот конечно Сонце во Гостивар?

Изминатиот период владееше дождливо и тмурно време со пониски температури од вообичаените за овој период од годината. Какви се прогнозите за деновите од викендот?

Утрово во Гостивар беа измерени 14 степени, додека дневната температура ќе достигне до 24. Сонцето изгреа во 5 часот и 4 минути, а ќе зајде во 20 часот и 15 минути. Сепак, денес ќе имаме само повремени сончеви периоди, а облаците остануваат на небото. Во попладневните часови можни се послаби врнежи од дожд.

Времето ќе биде слично и во сабота, а веќе во недела настапува затоплување и стабилизација. Неделниот ден ќе биде сончев со дневна температура од 26 степени.