КК Гостивар на најубав начин им ја честита Новата година на гостиварци – По две продолженија го „скрши“ Еуро Никел

Во еден од најдраматичните натпревари сезонава кошаркарите на Гостивар по две продолженија излегоа како победници во дерби пресметката против вицепрвакот Еуроникел (106-105).

Гостите подобро го отворија мечот, добивајќи ја првата четвртина, но домашниот тим се реваншираше во вториот период и на пауза замина со предност од 48-45.

Драмата започна со почетокот на второто полувреме, во неизвесна и израмнета игра третиот период беше изедначен, додека во последниот период гостиварци не ја искористија предноста која се стопи до крајот на натпреварот, можеа домаќините да го одлучат натпреварот во последните секунди, но на 78-79 Тодоровиќ погоди само едно од двете слободни фрлања за да се премине во продолжение. Кавадарчани има +3 на 10 секунди пред истекот на продолжението, но токму Тодоровиќ погоди за три, за 91-91, и екстра нови 5 минути. Во кои Гостивар беше поприсебен и на огромна радост на присутната публика во Младост го добија натпреварот со конечни 106-105.

Марјан Јанески со 30 поени беше најефикасен кај Гостивар, Ворку реализира 18, Ефремовски 15, Тодоровиќ 13, Дејли 12 поени. Силаџи запиша 8, Ре.Димитриевски 7 и Лефковски 3 поени.

Дарко Соколов со 30 поени и 13 скока беше убедливо најдобар кај Еуро Никел.

Со денешната победа КК Гостивар има скор од 7 победи и 5 порази, по што следи зимската пауза.