Над 30 прекршоци во ноќна сообраќајна контрола во Гостивар и Тетово

СВР Тетово утрово информира дека полициски службеници вчеравечер (25/26 декември) во периодот од 20 до 2 часот, спровеле акциска контрола на возачите, дали и колку од нив управуваат под дејство на алкохол, при што биле санкционирани 4 “алкохолизирани” возачи, кои веднаш се исклучени од сообраќај. На тројца од нив им биле одземени возачките дозволи.

Во акциската контрола биле санкционирани и 30 други видови сообраќајни прекршоци, од кои 14 во Тетово и 16 во Гостивар.

„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.“, велат од полицијата.