Коњаницата „Бигорски Манастир–Патот на црешовото топче“ продефилира во Гостивар, најмладиот учесник е Никола од Тумчевиште

Група од 16 коњаници, членови на „Бигорски Манастир – Патот на црешовото топче“ утрово по четиринаесети пат тргнаa кон Крушево во чест на националниот и државен празник Илинден и манифестацијата „Десет дена Крушевска Република“.

Коњаниците во 9 часот тргнаа од Зубовце во Тумчевиште, ги посетија вечните почивалишта на загинатите припадници на безбедносните сили, продефилираа низ Гостивар и со добиениот благослов во храмот „Успение на Пресвета Богородица“ во Гостивар се упатија кон манастирот „Свети Јован Бигорски“.

Петнаесетгодишниот Никола Даиловски од гостиварско Тумчевиште, годинава беше најхрабриот, односно најмладиот учесник меѓу коњаниците на „Бигорски Манастир – Патот на црешовото топче“.

Никола Даиловски (15) годинава најмладиот учесник меѓу коњаниците на „Бигорски Манастир – Патот на црешовото топче“.

Утре во 10 часот по литургијата, свечено ќе положат заклетва и со благослов на игуменот Партениј од Бигорски Манастир вкупно 45 коњаници од Гостивар, Скопје, Македонски Брод, Крушево, Струмица, Битола идруги места, ќе го започнат годинешниот марш за Крушево.

Коњаницата ќе го помине патот од околу 200 километри по кој било пренесено првото црешово топче за поддршка на илинденските востаници. На втори август коњаниците ќе учествуваат на прославата 10 дена Крушевска Република.