Контрола за првенство на минување, 12 казни во Гостивар

Полициски службеници на СВР Тетово вчера (30 јуни) од 9 до 14 часот, спроведоа акциска контрола за првенство во која вкупно е изречена 21 мерка, од кои 9 во Тетово и 12 во Гостивар. Половина од мерките се однесувале на непропуштање на возило од десна страна. Покрај ова, откриени и законски санкционирани се и 11 други видови сообраќајни прекршоци.
СВР Тетово повторно со апел до возачите да почитуваат првенство на минување, да ја прилагодат брзината според условите на патот, посебно ако е врнежливо времето, но и воопшто и да ги почитуваат важечките знаци на автопатот Гостивар-Тетово-Скопје, како и на регионалните и локалните патишта и на тетовските и гостиварските улици. Ова, дотолку повеќе што на подрачјето присутна е осетно зголемена сообраќајна фрекфренција, која во наредниот период значително ќе се интензивира и по обем и по динамика.