Лекарите советуваат: Не ги пребарувајте здравствените симптоми на интернет

Пребарувањето на здравствени симптоми на интернет го зголемува стравот кај луѓето, кои откако ќе ги пребараат симптомите на интернет потпаѓаат под влијание на хипохондријата (неоснован страв од појава на болест), покажуваат студиите.

Не неодамна одржаниот медицински самит во Хановер, заклучено е дека „постојаната достапност на медицински информации на интернет, кои не се веродостојни негативно влијаат на луѓето“.

На конференцијата присуствувале медицински професионалци, политичари, претприемачи и научници каде се разговарало за дигитализацијата на здравствената заштита.

Било докажано дека неверодостојните информации поттикнуваат „хипохондрија“. Таа најчесто се појавувава, откако луѓето ќе ги пребараат и прочитаат за симптомите на интернет.

-Ние лекарите, стравовите на нашите пациенти не смееме да ги земеме здраво за готово и мора во секое време да ги информираме, а тоа најдобро се прави преку комуникација во четри очи, велат лекарите.

Тие препорачуваат, пациентите веднаш да се посоветуваат со нив, а не да читаат информации на интернет, кои немаат никаква веродостојност.