Ликовен конкурс на Црвениот Крст Гостивар, наградата е викенд во Струга

Општинската организација на Црвениот Крст од Гостивар најавува ликовен конкурс, наменет за основци од вишите одделенија на тема “Промоција на хумани вредности”, а ќе се спроведува по повод ПХВ неделата (Промоција на хумани вредности) која се одбележува во периодот од 21-27 септември.

„ПХВ неделата има за цел да се анимираат младите, да се промовира мирот, толеранцијата и соживотот во земјата. Оваа година ја одбележуваме со Ликовен конкурс за деца во основните училишта, поделени во две категории- за ученици од 6 и 7 оделение и 8 и 9 одделение. Може да учествува секој, а техниката на цртање е по избор. Праќањето на творбите треба да биде по мејл ([email protected]) од 12 до 27 септември. Цртежот треба да се фотографира без блиц (со природна светлина) и да се испрати во JPG формат со следни информации: име и презиме на детето, одделение, години, училиште, град, техника на цртање“, информираше Црвениот Крст.

Авторите на најуспешните творби во двете категории ќе добијат награда викенд за цело семејство во Струга во Хотел Солферино.