Малку познат, а многу моќен заштитник на здравјето

Уровот е мешункасто растение во групата на пченица, граор и слично. Во минатото најчесто се користел како сточна храна и се сметал за храна наменета за сиромашните. Но, сепак откако се докажале неговите лековити својства, луѓето почнале да го користат уровот мешајќи го со кафе или пак за подготовка на чај.

Зошто е корисен за нашето здравје? Уровот изобилува со калиум, калциум, магнезиум и повеќе видови на витамини. Се смета дека помага во зајакнување на мускулното ткиво, особено срцевиот мускул. Во напиток во комбинација со мелен рж се користи како домашен лек против маснотии во крвта. Се става по една лажичка мелени рж и уров, се варат како турско кафе и се пијат трипати дневно, по еден филџан.

Уровот може да помогне и во лекување на хемороиди. За оваа намена се зема наутро, на празен желудник по една мала лажичка мелен уров.

Во комбинација со мед и лимон може да биде корисен за подигнување на имунитетот.