Маназан, Турција – Град исклесан во карпа

Иако од денешна гледна точка се чини непрактично, градот Маназан кој потекнува од Византиската империја, некогаш бил идеално прибежиште кое им обезбедувало на жителите природна заштита од временските услови и од постојаните напаѓачи.

Издлабен во единствена карпа во Централна Анадолија, Маназан е 5-катен град што се протега на 3 километри. Тој бил целосно функционален цел еден век и во карпа биле врежани семејни куќи, цркви, магацини па дури и гробишта, сите поврзани со низа тунели и пештери. Денес, градот е ненаселен, но локалното население од блиската Таскала продолжува да ги користи пештерите за складирање пченица, сирење и други намирници.

Во последно време, целиот регион, вклучувајќи го и  Маназан, привлекува се повеќе туристи од целиот свет кои сакаат да ги посетат многуте природни, како и историски чуда скриени во Анадолија, како што е и огромниот подземен град Деринкују.