Гостивар
Меѓународни ликовни колонии во Гостивар и Галичник
Изминатите денови во Гостивар се организираше 15-тото издание на Меѓународната ликовната колонија на Здружението на ликовни уметници „Драудакум“. Учествуваа 40-тина домашни и исто толку странски уметници од Албанија, Турција, Косово, Франција итн. Поради пандемијата повеќето од учесниците делата ги создаваа во своите ателјеа, а комуникацијата, претставувањето и изложувањето се спроведуваше онлајн.
„Гостивар е познат во регионов како град со голема традиција во областа на ликовната уметност и со голем број на ликовни уметници. Со овој меѓународен културен настан, се надополнува културниот ликовен мозаик на градот.“, наведуваат од „Драудакум“.
Ликовната колонија во Гостивар се организираше со поддршка на Министерството за култура и општината.
Во Галичник пак, денес почнува 31 издание на Галичката ликовна колонија, чија тема годинава е „Коегзистенција” и ја третира загубената релација помеѓу природата и човекот. Колонијата ќе трае до 25 август, а поради пандемијата, уметниците ќе бидат поделени во две сесии по пет дена со почитување на протоколи за заштита. Странските уметници ќе учествуваат онлајн.
Домашни учесници се: Ненад Тонкин, Јана Јакимовска, Шќипе Мехмети, Борче Богоевски, Тања Ристовка, Зоран Шеќеров, Игор Таневски, Ана Трајковска и Ана Ивановска, а интернационални: Жангхонг Лиао од Кина, Бурим Муфтиу од Косово, Тарлан Лотфизаде од Иран, Слободан Радојковиќ и Марина Марковиќ од Србија, Франциско Томшик од Уругвај, Ивана Радовановиќ од Црна Гора, Рубен Бас од Холандија и Том Лујтен од Белгија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот