Гостивар
Младата Анастасија Лефкоска од Гостивар промовира нова книга, роман со наслов „Савески“
Деновиве од печат излезе ново книжевно дело на дваесет и тригодишната гостиварка Анастасија Лефкоска. Станува збор за роман со наслов „Савески” низ чии страници напишани во наратив на свеста се испреплетуваат бројни („табу”) теми, прашања и одговори. Промоцијата на книгата е закажана за понеделник (28 август) во Центарот за култура АСНОМ во Гостивар, со почеток во 16 часот.
Дејството на романот се одвива во Гостивар и Скопје во минатото, сегашноста и претпоставена иднина. Приказната се врти околу семејството Савески кое навидум изгледа среќно и успешно, но всушност е расцепкано и климаво.
Приказната започнува сосема обично: Г-ѓа Лилијана Савески ги собира исушените кошули на мажот ѝ, Глигор и во себе се навраќа на младоста која одамна ја одминала и на сите соништа кои ги заборавила. Позади неа е Јованка, нејзина пријателка од младоста, а сега вид послуга во куќата на судијата Савески. Понатаму, го запознаваме и Глигор Савески, судија пред пензија. Шармантен господин кој обожува млади девојки и никако не сака да подлегне на македонските стандарди и традиции, но сепак, без да примети го прави тоа. Марио Савески е синот на семејството. Дипломиран правник, пораснат со зборовите „Ова сѐ ќе е твое и ти ќе си одговорен за сите… Ти си најдобар… Гордост… Глава… Син“. Марија Савески е седум секунди постарата сестра на Марио, таа е дипломиран економист, порасната на поинаков начин од Марио, со зборовите, „Ти си женско – ќути… Ти си туѓа куќа… Ќе добиеш само спална… Кога ќе раѓаш.. итн.
Покрај семејството Савески, романот раскажува и приказни на десетина споредни ликови кои, на крај ќе се поврзат како една пајакова мрежа. Сите ликови во романот се измислени.
Лефкоска е студент на четврта година на Филолошкиот факултет „Блаже Конески“, при Катедрата за англиски јазик и книжевност. Со пишување се занимава од најрана возраст. Во 2019-та година ја издаде новелата „Сѐ она што никогаш не можев да ти го кажам” за која доби „Признание за афирмација на македонскиот јазик и литература” од здружението за книжевен развој НОВ ВАВИЛОН – БИТОЛА. Има освоено прво место за есеј на државно ниво на конкурс од страна на УСАИД, „Златна Плакета” за поетска творба од Меѓународната манифестација „Вилијам Шекспир” и др.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот