За 8 месеци казнети 1.060 возачи во Гостивар и Тетово за неносење појас и зборување на телефон зад волан

Во изминатите скоро осум месеци од годинава, заклучно со 25-ти август на подрачјето на СВР Тетово преземени се вкупно 546 мерки (Тетово-354 и Гостивар-192) за некористење сигурносен појас и 514 мерки (Тетово-383 и Гостивар-131) за зборување на мобилен телефон во возење. Преземените мерки се заокружени со законски предвидените поднесоци и парични глоби кои изнесуваат 40 и 50 евра во денарска противвредност.

Секторот за внатрешни работи Тетово и во наредниот период планира чести контроли во чие средиште ќе бидат мобилните телефони и сигурносните појаси.

„Ова, поради тоа што некои од возачите не се откажуваат од зборување на мобилен или пишување поради, а некои забораваат да ги врзат појасите пред да тргнат. Истото се однесува и на совозачите кои се обврзани да користат сигурносни појаси , зашто во спротивно и против нив ќе следуваат поднесоци и глоба од 50 евра. Оттаму, уште еднаш се апелира да се почитуваат двете законски обврски, кои најнепосредно блијаат врз нивната лична безбедност додека управуваат или како сопатници се превезуваат во возилата.“, извести СВР Тетово.