МОН понуди 10% покачување на платите на наставниците, на потег е Синдикатот

Владата и Министерството за образование излегоа со предлог до СОНК, кој предвидува покачување на платите на просветните работници за дополнителни 10%, почнувајќи од април 2020-та година. По средбата на која се преговараше за платите, од Синдикатот рекоа дека ќе го разгледаат новиот предлог и ќе дадат свој одговор до крајот на неделава.

„Советот на СОНК треба да расправа по овој предлог и ќе ни бидат потребни неколку денови за да кажеме дали сме задоволни со ова или не.“, изјави по средбата претседателот на Синдикатот, Јаким Неделков.

Министерот за образование Арбер Адеми ја нарече понудата за плус 10%, историска.

„Денес имавме конструктивна средба и ова е историско покачување на платите во образованието.“, рече министерот.

На денешната средба присуствувал и премиерот Зоран Заев, а беше најавено дека утре Владата ќе ја усвои одлуката за зголемување на платите од 10%, од април 2020-та.

СОНК бараше покачување за 25%.