Вести
Монтираат фотографии и уценуваат преку фејсбук – лани имало 35 злоупотреби на лични податоци
Креираат лажни профили на фејсбук и преку нив вршат уцени. Оваа појава на подрачјето на Полог, последниве години е зачестена, а се прави поради невозвратена љубов, љубомора, недоразбирања, кавги и за материјална корист. Уценуваните пријавуваат во полиција, само доколку се почувствуваат сериозно загрозени или кога работите излегуваат од контрола.
Лани, Секторот за внатрешни работи, на гостиварските простори регистрирал пет случаи на злоупотреба на лични податоци. Во Тетово, пак ги имало дури триесет. Од нив скоро половината биле целосно расчистени со кривични пријави.
„Ваквите злоупотреби на лични податоци, најчесто се поврзани со уцени, преку телефон или преку остварен контакт на социјалните мрежи, најмногу преку „Фејсбук“ или „Инстаграм“. Лицата, што лани ги пријавиле злоупотребите, претежно биле уценувани дека ако не им дадат парични средства, пријавените ќе објават фотографии и други компромитирачки содржини, пред се` преку креирање на лажни профили, со цел непосредно да им наштетат на нивната чест и углед. Некои од нив, тоа и го направиле.“, објасни Марјан Јосифоски, портпарол на СВР Тетово.
Од полицијата посочуваат дека граѓаните неретко сами се заплетуваат во мрежа на манипулации, затоа што не ги заштитуваат своите лични податоци и фотографии. Јавно ги објавуваат и не внимаваат со кого ги споделуваат.
Минатата година, 359 лица во Македонија се пожалиле на злоупотреба на личните податоци во надлежната Дирекција. 80% од нив се однесувале на креирање лажен профил на фејсбук, а останатите за хакирање на профили и злоупотреба на објавени фотографии.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар