Над 140 казни за брзо возење во Гостивар и Тетово денес

Денес (3 мај) полициски службеници од СВР Тетово спроведоа зајакната акциска контрола за санкционирање на возила кои се движат со брзина поголема од дозволената, со која беа опфатени гостиварското и тетовското подрачје. Во контролите биле санкционирани 144 возачи.

Од нив, шеснаесет се движеле со над 70 километри на час повеќе од дозволената брзина, а 91 со над 50 километри на час повеќе од дозволената брзина. Најголемиот дел од прекршувањата биле надвор од населено место.

„Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.“, наведуваат од СВР.