Над 2.700 лица со години „заглавени“ на листата на невработени во Гостивар

Патот до наоѓање стабилно и добро работно место за голем број граѓани не е лесен, туку долг и полн со препреки. Доста често, од оформувањето на образованието до вработување, поминуваат повеќе години. Се случува и огласите во кои се бараат работници да содржат услови како „невозможна мисија“, на пример се бара млад кандидат кој исто време треба да има неколку години работно искуство.

Според последните податоци од Агенцијата за вработување во регионот на Гостивар, регистрирани се вкупно 6.204 невработени лица, од кои 2.167 се од женски пол. Над 340 лица чекаат вработување повеќе од осум години, додека 646 се на листата на невработени по четири до пет години. Најголем е бројот на граѓани кои се без вработување по три години – вкупно ги има 1.721. Останатите чекаат работа по една, две години или неколку месеци.

Активните баратели на работа во Гостивар има од различни профили: дипломирани на Јавна администрација, правници, јазичари, медицински персонал, технолози, ветеринари, електроинсталатери, економисти и други.

Што се однесува до огласите за вработување на гостиварското подрачје, моментално отворени се петнаесетина работни места. Се бараат продавачи, медицинари и друго.