Навреди и напади на полицајци при сообраќајни контроли во Гостивар

Нервозни возачи омаловажуваат, навредуваат, па и напаѓаат полициски службеници кои се обидуваат да извршат сообраќајна контрола. Ваквите случаи на патиштата и улиците на гостиварското подрачје, не се реткост. Последниот беше регистриран пред неколку дена, кога гостиварец беше приведен, откако претходно започнал вербална расправија, а потоа и физички нападнал полициски службеник, при контрола на возило.

Според статистиката на СВР Тетово, во изминатите девет месеци од оваа година, на поширокото гостиварско подрачје пријавени се вкупно 19 случаи на навредување и омаловажување на полицски службеници. Пријавените случаи биле целосно расчистени и заокружени со соодветни пријави.       Најмногу од прекршоците се случиле токму при преземање мерки и активности за регулирање и контрола во сообраќајот.

Во овој период се бележат и четири напади врз службени лица при вршење работи на безбедноста (член 383 од Кривичниот законик на Република Македонија) кои исто така биле расчистени, а сторителите добиле пријави.

Полицијата евидентирала и две кривични дела „спречување службено лице во вршење на службено дејствиe“.