Неодговорни превозници! 10 казни во Гостивар за неисправни сопирачки и други уреди

На поширокото тетовско-гостиварско подрачје, полициски службеници на СВР Тетово денеска (5 септември) од 9 до 14 часот спровеле засилена контрола на возила кои вршат јавен превоз на патници, а во која вкупно биле откриени и санкционирани 12 прекршоци. Од нив 2 во Тетово, а 10 во Гостивар.

„Осум од возилата (ТЕ-2 и ГВ-6) имале неисправни сопирачки, претежно комбиња и такси возила, две возила(ГВ) биле со неисправен уред за управување, едно (ГВ) со неисправни други уреди, а едно (ГВ) со неизвршен технички преглед. При контролата, исто така, санкционирани се и 14 други видови сообраќајни прекршоци (ТЕ- 4 и ГВ-10). СВР Тетово и во наредниот ќе продолжи со контроли на возилата од локалниот јавен превоз посебно, зашто со започнување на новата учебна година тие далеку повеќе и почесто се користат од учениците, но и од други патници.“, соопшти СВР.