Култура
Несекојдневно уметничко доживување за гостиварци-Перформанс, сликање пред публика
Посетителите на вечерашната изложба во Центарот за култура „АСНОМ“ во Гостивар беа дел од уникатно доживување-перформанс, создавање на уметничко дело пред нивните очи. Ликовната уметница Бојана Артиновска се реши на ваков пристап со цел да го приближи уметничкиот чин до публиката.
„Моето тело е рецептор, ова дело ќе биде заедничко. Ќе оставам вашата намера и љубов да прострујат низ мене. Учествувајте во создавањето, следете ги потезите коишто се ваши“, им порача на присутните пред да почне со сликањето, кое се одвиваше на сцената во малата сала и беше пропратено со изведба на тематска музика од авторот Игор Темелковски.
Инаку, изложбата со којашто Артиновска се претстави во Гостивар носи наслов „Вода“ и претставува еден вид ликовно истражување на овој основен природен елемент.
„Поврзувањето со овој витален аспект од природата може да не научи важни лекции за нашиот внатрешен и надворешен свет. Водата претставува флуидност, сензуалност, радост, способност „да се оди со тек“, слобода, како и моќ на креативноста. Секојпат кога ќе се поврземе со водата и ќе ја подигнеме нејзината енергија во нас, ние исто така ги подобруваме овие квалитети во нашите умови и тела. Таа прочистува лекува, трансформира. Како што водата се менува и адаптира, така и ние треба да се препуштиме на животниот тек.“, појасни авторката.
Изложбата „Вода“ содржи петнаесетина платна со различни димензи, изработени во комбинирана техника.
Бојана Артиновска е родена е во Велес, 1977 година. Факултет за ликовна уметност при Универзитетот „Кирил и Методиј“ Скопје завршува во класата на проф. Родољуб Анастасов на отсек сликарство и сценографија.
Член е на ДЛУМ со кое има остварено бројни групни изложби, хуманитарни акции и перформанси. Паралелно со сликарството и сценската уметност истражува и во полето на фотографијата. Има реализирано повеќе самостојни изложби и добитник е на неколку награди.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот