Невен: Билка-злато со драгоцени лековити својства

Природата ни дарува растенија кои по својата делотворност врз здравјето, можат да ги заменат вештачки произведените лекови. Невенот е едно од нив, познат и користен од древни времиња за многу намени. Порано, не можело да се замисли бавча во која немало невен. Оваа билка со преубава боја, наоѓа употреба во козметиката и медицината.

Какви придобивки може да имате од невен?

Со помош на чај од цвет од невен може да си направите детоксикација на целиот организам. Ќе ги прочистите цревата, а ќе ги освежите црниот дроб и жолчката. Бенефит ќе имате и за желудникот, со оглед на тоа дека чајот од невен ја контролира желудочната киселина. Затоа се препорачува за оние кои страдаат од гастрит или имаат чир на желудникот. Кај жените позитивно делува за намалување на менструалните тегоби. За да ги смирите болките во грлото при настинка пак, правете гаргара со чајот.

Во козметиката невенот се користи за хидратација и омекнување на кожата. Маст или масло од оваа билка се одлични ако имате сува, оштетена и испукана кожа. Исто така, помагаат за побрзо зараснување на рани, исекотини и гребнатини. Докажано е дека делува и против проширени вени.

Доколку го берете сами, важно е да знаете дека невенот се бере исклучиво на сончево време.