Нова кражба во верски храм – Крадци провалиле во црквата во Ново Село

Ноќта помеѓу први и втори октомври, засега непознати сторители извршиле тешка кражба во црквата „Свети Јован“ во гостиварско Ново Село.

СВР соопшти дека сторителите насилно ја отвориле дрвената, двокрилна влезна врата и од горниот дел на масата за свеќи одзеле 3000 денари во апоени од 10, 50 и 100 денари, а од иконите 1000 денари, причинувајќи при тоа и вкупна материјална штета која се проценува на околу 5000 денари.

Од полицијата известија дека е извршен увид и се работи на откривање на сторителите на кражбата. Деновиве кражба беше извршена и во селото Церово.