Гостиварец им дал околу 250 евра на измамници за наводна операција

Шеесетгодишниот гостиварец Г.Ќ, вчера пријавил дека на улица „Илинденска“ во Гостивар околу 9 часот и 30 минути, најпрво го пресретнало непознато лице, а набрзо му се доближило уште едно, наводно странец и му побарало пари за операција на неговата сопруга.

Како што соопшти полицијата гостиварецот  Г.Ќ. му дал 13 илјади денари и 50 евра, а „странецот“ му ветил награда од 500 евра штом ги подигне парите и како гаранција дека ќе се вратат со другото лице, му оставил часовник за кој го излажал дека е дијамантски.

Откако двајцата заминале и не се вратиле подолго време на гостиварецот му станало јасно дека е измамен и го пријавил случајот.

Полицијата пеземаат мерки и активности за откривање на измамниците.