Гостивар
Нови униформи за пожарникарите во Гостивар за празникот 20 мај
Пожарникарите од Противпожарната едниница во Гостивар се подновија со униформи. Локалната самоуправа обезбеди комплет дневни униформи со обувки за сите 45 вработени. Денешниот празник, 20 мај што се одбележува како Ден на пожарникарите беше искористен како повод за промовирање на донацијата.
„Се работи за летни и зимски дневни униформи, кои се донација од Општина Гостивар. На сите пожарникари им го честитам денешниот празник и им посакувам добро здравје и успех во работата“, рече командирот на Противпожарната единица во Гостивар, Јусуф Бајрами.
Зборувајќи за својата професија, пожарникарите велат дека се соочуваат со секакви предизвици и проблеми на терен, но дека најважна е соработката со граѓаните.
“Се разбира дека на терен имаме секакви ситуации, но сепак може да кажеме дека со граѓаните имаме добра соработка. И јас и моите колеги, својата работа ја вршиме со голема волја, а денешниот ден за нас има посебно значење како Ден на пожарникарите“, рече пожарникарот Ерѓул Исени.
Изминатиот период во објектот на Противпожарната единица во Гостивар беа преземени зафати за подобрување на условите. Старите прозорци се заменети со нови, а инсталиран е и нов систем за парно греење. Следна инвестиција треба да биде реконструкција на покривот на зградата.
Во време на пандемијата гостиварските пожарникари заедно со екипите на комуналното претпријатие работат на миење на градските улици, а вклучени се и во доставувањето на хуманитарни пакети за социјално загрозени семејства.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар