После три недели во Гостивар потврден нов позитивен случај на коронавирус

Во изминатите 24 часа направени се 512 тестирања, а регистрирани се 19 нови случаи на ковид-19, информираше денес Министерството за здравство. По региони: Скопје-11, Куманово-2, Прилеп-1, Тетово-1, Велес-1, Гостивар-1, Струмица-1 и Виница-1. Досега во земјата се направени вкупно 22.767 тестирања на ковид -19.

Новозаболениот во гостиварскиот регион е жител на Општина Гостивар и моментално е единствениот активен случај во општината. Инаку, доаѓа по три недели без нови позитивени на Ковид 19.

Актуелно во Општина Врапчиште има еден активен болен, а во Маврово и Ростуше 2.

Денеска Институтот за јавно здравје регистрира 16 оздравени пациенти.

– Скопје 7
– Куманово 1
– Тетово 3
– Велес 1
– Кочани 1
– Неготино 3

Во ГОБ „8 септември“ почина пациентка од Скопје (65г) примена на 11 мај, пациент од Скопје (71г), хоспитализиран на 16 мај и пациент од Тетово (73г) во болница од 11 мај. На Клиниката за инфективни болести и фебрилни состојби почина пациент од Прилеп (41г) кој повеќе од 40 дена се лекувал на клиниката.