Новогодишна забава, пакетчиња и промоција на инвестицијата во градинката Пролет во Гостивар

Атмосферата во градинката „Пролет“ во Гостивар, денес беше во знакот на Новата Година, и дечињата под водство на воспитувачките, подготвија новогодишна програма со рецитации и песни.

Во посета на градинката беше и тим од општина Гостивар, на чело со градоначалникот Арбен Таравари. Тие им поделија пакетчиња на децата, а освен новогодишните подароци, повод за посетата беше и промовирање на инвестицијата за реновирање на гостиварските градинки, што заврши неодамна.

Се работи проект во вредност од околу 2 милиони денари, со кој се направи целосна реконструкција на градинката „Пролет“ и неколку зафати во градинката „Цветови“.