Објавен конкурсот за упис во средно-Во гостиварските училишта 1.249 места, 70-тина помалку од лани

Министерството за образование и наука денеска го објави Конкурсот за запишување ученици во јавните средни училишта за учебната 2024/2025 година.

Пријавувањето и запишувањето на учениците ќе се врши електронски преку порталот за електронски услуги на Министерството за образование и наука https://e-uslugi.mon.gov.mk со најава на средношколците преку сопствените кориснички сметки на Schools.mk. Првиот рок е од 20 до 25 јуни, вториот на 1 и 2 јули, а третиот на 21 август.

Според конкурсот во четирите средни училишта во Гостивар предвидени се 1.249 места за полуматурантите што е за 70-тина помалку од лани.

Во гимназија конкурсот предвидува 374 места во 11 паралелки (68 ученици во 2 паралелки со настава на македонски јазик, 238 ученици во 7 паралелки со настава на албански јазик и 68 ученици во 2 паралелки со настава на турски јазик).

Медицинско: 200 ученици во 8 паралелки (50 ученици во 2 паралелки со настава на македонски јазик, 100 ученици во 4 паралелки со настава на албански јазик и 50 ученици во 2 паралелки со настава на турски јазик)

Техничко: 475 ученици во 19 паралелки (150 ученици во 6 паралелки со настава на македонски јазик, 225 ученици во 9 паралелки со настава на албански јазик и 100 ученици во 4 паралелки со настава на турски јазик)

Економско: 200 ученици во 8 паралелки (75 ученици во 3 паралелки со настава на македонски јазик, 100 ученици во 4 паралелки со настава на албански јазик и 25 ученици во 1 паралелка со настава на турски јазик)