Од 1 до 10 јуни се очекуваат обилни врнежи – ДЗС повикува да се преземаат мерки против поплави

Дирекцијата за заштита и спасување соопшти дека потпирајќи се на известување на Weather4all.mk и соработката со нив, од први до десетти јуни се очекува период на поинтензивни врнежи од дожд, кои во попладневните часови може да бидат поројни. Според најавите, се очекува за кратко време да наврнат од 5-10л/м2, а за десет дена се очекуваат над 100л/м2 воден талог. Поради најавени високи температури не се исклучени и форми на невреме проследени со силен ветер и град.
Дирекцијата за заштита и спасување ги известува сите Подрачни одделенија за заштита и спасување и Единиците на локалната самоуправа за потребата од преземање на мерки и координирани активности во рамките на своите надлжности.
ДЗС апелира до надлежните навреме да се проверат шахтите и одводите на критичните точки во градовите низ земјава, како и главните одводни канали, со цел успешно превенирање од можноста за поплавување.