Општина Гостивар: Благодарност до жителите на Ласкарце, медицинските тимови и сите што помагаа при трагедијата

Општина Гостивар и градоначалникот Арен Таравари изразија јавна благодарност до сите кои излегоа во пресрет и пружија помош при трагичната автобуска несреќа на автопатот Скопје-Тетово со 15 жртви.

„На адреса на општината, деновиве пристигнаа голем број телеграми со сочувство за жртвите и желби за брзо закрепнување на жртвите од трагичната автобуска несреќа во близина на селото Ласкарце. Општина Гостивар и градоначалникот Арбен Таравари, на сите нив  јавно им се заблагодарува. Воедно, би сакале да им изразиме благодарност на жителите на Ласкарце, кои први им помагаа на повредените, на медицинскиот пероснал и на сите оние кои на било кој начин помогнаа, во оваа трагедија да нема уште повеќе жртви. Ваквите случаи никогаш да не ни се повторат!“, наведуваат од локалната самоуправа.