Гостивар
Колегите од Архитектонски со последен поздрав до Бејза Узеири, во Град Скопје комеморација за Зоран Давидоски
Соработниците, колегите, пријателите на трагично загинатите во автобуската несреќа, која го зави Гостивар во црно, одржуваат комеморации во нивна чест и сеќавање.
На Архитектонскиот факултет во Скопје колегите се простија од младата Бејза Узеири, која беше студент на факултетот. „Твоите соништа само што беа започнале, верувам дека ќе изградеше еден свет со убави куќи осветлени со зраците на сонцето.Веруваше дека твојата професија еден ден ќе те издигне на највисокиот пиедестал, но ти се искачи на небото сакана пријателке. Пријателке и колешке, сите наши зборови да се сплотат нема да можат да ја намалат болката на една мајка, која израснала толку воспитана девојка, ниту на еден татко кој ја научил ќерката што значи жртвувањето или ризикот. Како што велат „Сочувството е најтешкото нешто за човекот, исто како што честитањето е најлесното нешто.“ Од ова што се случи разбравме дека ништо во нашиот живот не е сигурно, затоа што една трагедија може да се случи побрзо од преклопувањето на очните капаци, побрзо од нашите солзи кои се леат без престан. Нашите сили спроти ова случување се мали, но ние ти ветуваме дека твоите дела ќе бидат разубавени со цвеќиња за да останат како најубави за нас! А вам, Јасин Салих, Jована Граматикова и Јасин Сејфули ви посакуваме што поскоро да оздравите и да се oпоравите за повторно да ве гледаме низ ходниците на нашиот факултет. Почивај во мир Бејза Узеири , засекогаш ќе живееш во нашите срца и мисли!“, се вели во дел од говорот.
Во Град Скопје, пак денес се одржа комеморативна седница во чест на Зоран Давидоски, кој повеќе години беше раководител на тамошниот Сектор за сообраќај. На комеморативната седница, која започна со едноминутно молчење во знак на оддавање почит на Зоран Давидоски, присуствуваа градоначалникот на Град Скопје, Петре Шилегов, секретарот на Град Скопје, Викторија Аврамовска-Мадиќ, претседателката на Советот на Град Скопје, Љубица Јанчева, членовите на семејството, претставници на голем број институции, како и колеги, соработници и пријатели. Градоначалникот Шилегов, кажа дека со голема тага се простуваат од Давидоски, чесен, скромен и неуморен човек, посветен на работните обврски, кој како таков ќе остане во делот на најдобрите спомени.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница