Општина Гостивар ќе организира средба со пензионирани наставници по повод 7-ми Март

Гостиварската локална самоуправа годинава ќе го одбележи Денот на Албанскиот учител, 7-ми Март со средба со пензионираните просветни работници. Градоначалникот Арбен Таравари вели дека одлучиле да го прослават празникот на таков начин, за да ги слушнат мислењата и ставовите на учителите, наставниците и професорите кои имаат богато искуство во образованието.

„Сакаме заедно со сите пензионирани просветари Албанци, отприлика ги има 180, да седнеме, да поразговараме на еден скромен ручек и на тој начин да им покажеме колку ни значат. Тие се луѓето кои дале се` од себе за да образованието во Гостивар се равие. За овој празник ќе бидат поканети само пензионери Албанци, додека за просветните работници пензионери Македонци ќе организираме средба на 24-ти Мај, на празникот на македонското просветителство, а за Турците на 21 декември, Денот на наставата на турски јазик. Се надевам дека наставниците ќе имаат што да ми кажат и да ме советуваат.“, изјави градоначалникот.