Партиите да побрзаат – Рокот за поднесување кандидатури истекува утре на полноќ

Во Општинската изборна комисија на Гостивар до овој момент не е поднесена ниту една кандидатура за градоначалник или советничка листа. Политичките партии веќе се подготвуваат за Локалните избори, се екипираат, одржуваат средби, работат на терен. Но, по се изгледа сите го чекаат последниот ден за да ги официјализираат своите кандидати во трката за прв човек на Гостивар и членови на општинскиот Совет. Краен рок е утре на полноќ.

Потврдени имињата од партиите се: ДУИ – Невзат Бејта, Алијанса за Албанците – Арбен Таравари, БЕСА – Асаф Адеми, ВМРО-ДПМНЕ – Дафина Стојаноска, ДПА – Сабајдин Изеири, Унитети и НДП – Шпат Исеини.