ПИСМА: Граѓани алармираат за купишта ѓубре на православните гробишта во Млаки

До Gostivarpress.mk стигна реакција од граѓани од Гостивар кои утрово биле да ги посетат вечните почивалишта на нивните блиски, на православните гробишта во Млаки. Згрозени се од глетката со расфрлано ѓубре, за која велат дека често ги пречекува на гробиштата.

„Жално е да гледаме дива депонија, кога одиме да им оддадеме почит на блиските што ни починале. Глетката е навистина лоша, не доликува на едно вакво место. И не е прв пат да не затекне таква слика, честопати се случувало да има куп отпад. Има служби што треба тоа да го чистат, да го одржуваат просторот редовно“, пишуваат граѓаните во реакцијата, кои ни испратија и фотографии од состојбата на православните гробишта во Млаки утрово.