Почна грип сезоната во Гостивар и Тетово

Првите случаи на сезонски грип се регистрирани во Тетово и Гостивар. Институтот за јавно здравје соопшти дека во текот на 42-рата недела од 2022 година (од 17-23.10.2022), во Македонија се пријавени 27 случаи на групни пријави за заболени од грип/ заболувања слични на грип, соодветно за овој период од сезоната, во споредба со минатата сезона и просекот.

Заболените лица се регистрирани во Тетово – 17 и Гостивар – 10.

Во однос на возраста, од 15-64 години регистрирани се 15 лица, од 0-4 години – 8 лица и од 5-14 години – 4.

Вкупно од 40-42 недела пријавени се 47 случаи.

Во текот на 42-ра извештајна недела, во вирусолошката лабораторија на ИЈЗ РСМ пристигнаа 312 материјали за лабораториско тестирање на грип од кои 13 од сентинел САРИ надзорот, паралелно тестирани за грип и COVID-19. Од тестираните материјали еден е со позитивен резултат – Influenza A(H3).

Кумулативно, досега се тестирани 801 материјал од кои еден е со позитивен резултат – Influenza A(H3).